នាព្រឹកថ្ងៃពុធ ៤រោច ខែបុស្ស ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី៧ ខែមករា ឆ្នាំ២០២៦ លោកជំទាវបណ្ឌិត ចាន់ សុទ្ធាវី ប្រធានគណៈកម្មការទី៦ព្រឹទ្ធសភា បានអញ្ជើញជាកិត្តិយសក្នុងពិធីចម្រើនព្រះបរិត្តពុទ្ធជ័យមង្គលឡើងអគារទីស្តីការក្រសួងយុត្តិធម៌ ដែលត្រូវបានសាងសង់ឡើងនៅក្នុងអំឡុងឆ្នាំ១៨៩០ ក្នុងរាជព្រះបាទសម្តេចព្រះស៊ីសុវត្ថិ និងត្រូវបានសម្ពោធដាក់ឱ្យប្រើប្រាស់ជាផ្លូវការនៅថ្ងៃទី២៥ ខែមេសា ឆ្នាំ១៩២៥ ហើយគិតមកដល់បច្ចុប្បន្ននេះ អគារសាលាយុត្តិធម៌នេះ មានអាយុកាលជាង ១០០ឆ្នាំហើយ។
ពិធីនេះប្រព្រឹត្តទៅក្រោមអធិបតីភាព ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងលោកជំទាវ យ៉េត ម៉ូលីន កើតរិទ្ធ ដោយមានវត្តមានអញ្ជើញចូលរួមរបស់ ឯកឧត្តម អង្គ វង្ស វឌ្ឍានា ប្រធានគណៈកម្មការនីតិកម្ម និងយុត្តិធម៌ នៃរដ្ឋសភា, ឯកឧត្តមបណ្ឌិត ជីវ កេង ប្រធានតុលាការកំពូល, លោកជំទាវ ជា លាង អគ្គព្រះរាជអាជ្ញានៃមហាអយ្យការអមតុលាការកំពូល ព្រមទាំង ឯកឧត្តម លោកជំទាវ លោក លោកស្រី ជាសមាជិកនៃឧត្តមក្រុមប្រឹក្សានៃអង្គចៅក្រម, ថ្នាក់ដឹកនាំក្រសួងយុត្តិធម៌, ថ្នាក់ដឹកនាំសាលាជម្រះក្តី និងមន្ត្រីរាជការនៃក្រសួងយុត្តិធម៌ជាច្រើនរូប។
ប្រភព៖ ការិយាល័យជំនួយការគណៈកម្មការទី៦ព្រឹទ្ធសភា
សម្រួលខ្លឹមសារ៖ នាយកដ្ឋានព័ត៌មាន
